I. EXTRACT FROM THE LITTLE CHRONICLE OF THE KINGS OF LEIRE

I. EXTRACT FROM THE LITTLE CHRONICLE OF THE KINGS OF LEIRE

From the _Annales Lundenses_. These Annals are comparatively late, going up to the year 1307; but the short _Chronicle of the Kings of Leire_, which is incorporated in them, is supposed to date from the latter half of the 12th century. The text is given in Langebek, _Scriptores Rerum Danicarum_, _I_, 224-6 (under the name of _Annales Esromenses_) from _Cod. Arn. Mag._ 841. There is a critical edition by Gertz, _Scriptores Minores historiae Danicae_, Copenhagen, 1917, based upon _Cod. Arn. Mag._ 843. The text given below is mainly that of Langebek, with corrections from Gertz's fine edition. See below, p. 216.

Erat ergo Dan rex in Dacia[332] per triennium. Anno tandem tertio cognouit uxorem suam Daniam, genuitque ex ea filium nomine Ro. Qui post patris obitum hereditarie possidebat regnum. Patrem uero suum Dan colle apud Lethram tumulauit Sialandiae, ubi sedem regni pro eo pater constituit, quam ipse post eum diuitiis multiplicibus ditauit. Tempore illo ciuitas magna erat in medio Sialandiae, ubi adhuc mons desertus est, nomine Hekebiarch, ubi sita erat ciuitas quae Hoekekoping nuncupata est; ad quam ut mox Ro rex uidit, quod mercatores a nauibus in uia currus conducentes multum expenderent, a loco illo ciuitatem amoueri jussit ad portum, ubi tenditur Isaefiorth, et circa fontem pulcherrimum domos disponere. Aedificauit ibi Ro ciuitatem honestam, cui nomen partitiuum imposuit post se et Fontem, partem capiens fontis partemque sui, Roskildam Danice uocans, quae hoc nomine uoca[bi]tur[333] in aeternum. Uixit autem rex Ro ita pacifice, ut nullus ei aciem opponeret, nec ipse usquam expeditionem direxit[334]. Erat autem uxor eius {205} fecunda sobole, ex qua genuit duos filios, nomen primi Helhgi et secundi Haldan[335]. Cumque cepissent pueri robore confortari et crescere, obiit pater eorum Ro, et sepultus est tumulo quodam Laethrae, post cuius obitum partiti sunt regnum filii, quod in duas partes diuidentes, alter terras, alter mare possidebat. Rexit itaque terras Haldanus, et genuit filium nomine Siwardum, cognomine Album, qui patrem suum Haldanum Laethrae tumulauit mortuum. Helgi autem rex erat marinus, et multos ad se traxit malificos, nauali bello bene adeptus diuersas partes, quasdam pace, quasdam cum piratica classe[336] petisse perhibetur....

The Chronicle then tells how Rolf was born, the son of Helgi and Yrse or Ursula: also of the death and burial of Helgi.

Filius autem eius et Ursulae puer crescebat Rolf et fortitudine uigebat. Mater uero eius Ursula, uelo uiduitatis deposito, data est regi Suethiae Athislo, qui ex ea filiam sibi genuit, Rolf uero ex matre eius sororem nomine Skuld. Interea dum haec de rege marino Helgi agerentur, frater eius, rex Daciae, mortuus est Haldanus. Post quem[337] rex Sweciae Athisl a Danis suscepit tributum.

Interea ... confortabatur filius Helgi, Rolff, cognomine Krake. Quem post mortem Snyo[338] Dani [in][339] regem assumpserunt. Qui Sialandiae apud Lethram, sicut antecessores sui, saepissime moratus est. Sororem suam nomine Sculd secum habuit, Athisli regis filiam, et suae matris Ursulae, de qua superius dictum est; quam fraterno amore dilexit. Cui provinciam Hornshaeraeth Sialandiae ad pascendas puellas suas in expensam dedit, in qua uillam aedificauit, nomine Sculdelef, unde nomen suscepit. Hoc tempore erat quidam Comes Scaniae, nomine Hiarwarth, Teotonicus genere, Rolf tributarius, qui ad eum procos misit, ut {206} sororem suam Sculd Hiarwardo daret uxorem. Quo nolente, propria ipsius uoluntate puellae clanculo eam raptam sociauit sibi. Unde conspirauerunt inter se deliberantes Hiarwart et Sculd, quomodo Rolf interficeretur, et Hiarwardus superstes regni heres efficeretur. Non post multum vero temporis animosus ad uxoris exhortationem Hiarwart Sialandiam classe petiit. Genero suo Rolff tributum attulisse simulauit. Die quadam dilucescente ad Laethram misit, ut uideret tributum, Rolff nunciauit. Qui cum uidisset non tributum sed exercitum armatum, uallatus est Rolff militibus, et a Hyarwardo interfectus est. Hyarwardum autem Syalandenses et Scanienses, qui cum eo erant, in regem assumpserunt. Qui breui tempore, a mane usque ad primam, regali nomine potitus est. Tunc uenit Haky, frater Haghbardi, filius Hamundi; Hyarwardum interfecit et Danorum rex effectus est. Quo regnante, uenit quidam nomine Fritleff a partibus Septentrionalibus et filiam sibi desponsauit Rolff Crake, ex qua filium nomine Frothe genuit, cognomine Largus.

* * * * *

K. THE STORY OF OFFA IN SAXO GRAMMATICUS