Chapter 484 of 984
I. · Section 66
The Complete Works of Robert Burns: Containing his Poems, Songs, and Correspondence.: With a New Life of the Poet, and Notices, Critical and Biographical by Allan Cunningham · Robert Burns, Allan Cunningham
I.
When Januar' wind was blawing cauld, As to the north I took my way, The mirksome night did me enfauld, I knew na where to lodge till day.
II.
By my good luck a maid I met, Just in the middle o' my care; And kindly she did me invite To walk into a chamber fair.
III.
I bow'd fu' low unto this maid, And thank'd her for her courtesie; I bow'd fu' low unto this maid, And bade her mak a bed to me.
IV.
She made the bed baith large and wide, Wi' twa white hands she spread it down; She put the cup to her rosy lips, And drank, "Young man, now sleep ye soun'."
V.
She snatch'd the candle in her hand, And frae my chamber went wi' speed; But I call'd her quickly back again To lay some mair below my head.